DAASTAAN-E-MBA

Aao Sunau tumhe MBA ki kahani, Teachers jahan karte poori manmaani,
Assignments aur presentations talle dabate humko, Jaise pyaase se koi cheene paani. 

Ek hamare Vinod chacha, Accounts Ka inko sab kuch ata,
DONT TAAK, DONT TAAK karte rehte, Par har bachcha confuse ho jata. 


Business Ethics padhati Meenu Madam, Par English ka pata inhe na eve na adam,
Dhakke se hume concepts pilati, Bachche kuch pooche to gussa ho jati.


Tau ne to har hadh hai todi, Statistics se hai sarhadh jodi,
Class ko samajhte hain jang-e-maidaan, Shayari suna suna lete hamari jaan. 


Sapna madam lagti sabko pyaari, Especially jis din pehene wo sari,
Padhati hain C++ muh zabani, Lekin kaayal karti humko inki awaaz aur jawani.


Business Communication padhati Neenu madam, Students pe comment maarti har dum, Fundey inke hain bilkul clear, Bachcho ki hain ye sabse dear. 


HR hai Walia madam ka department, Selective hai inka har student,
Facial expression inke sab reflect kar jaate, Jinse adhiktar bachche hain ghabraate. 


Marketing se hai har ladke ne sapna joda, Aarti madam ne jisko apne gusse se toda,
Mood swings inke jaise mumbai ki baarish, Par har bachche ki job lagwana hai inki khwahish. 


Bhattu aur Philip ji hain hamare chairpersons, Kaam hai jinka lena saari tension,
Har kisi ko meethi ghutti pilatey, Placements ka poocho to inke tote udd jaate. 

Ye hai NIT KKR mein MBA ki kahani, Jahan teachers karte poori manmaani,
Kuch aur teachers bhi hain yahan, Lekin unki taang aaj nahi kheechi jaani… :)